Shpenzohen 4 mln euro, KESH blen sërish energji

Fatura e blerjes së energjisë elektrike në tregun e huaj është rritur në muajin tetor. Pas mbylljes së procedurës për të gjithë muajin, ku KESH shpenzoi 34 mln euro, tashmë janë shpenzuar edhe 4 mln euro të tjera.

Blerjet janë bërë gjatë ditëve të fundit ku çmimi rezulton 2 herë më i ulët se në ditën e parë të tetorit.

Bashkë me blerjet në muajt parardhës, fatura që vendi ynë ka paguar për rrymë gjatë këtij viti, deri më tani mbërrin 334 mln euro.

Nga ana tjetër, situata me prodhimin vendas duket e mirë, edhe pse reshjet e ditëve të fundit, nuk kanë rritur nivelet aktuale në HEC-et e Drinit.

KESH raporton se prurjet në Koman e Fierzë janë 60 dhe 65 m3 në sekondë, ndërsa rezervën aktuale energjitike, po e ruan për muajt e ftohtë të dimrit kur nevojat për konsum do të rriten.

Ndërkohë, për rritjen e prodhimit pritet të vihen në funksion në fund të këtij viti, edhe dy TEC-et lundruese në Vlorë, që do të garantojnë furnizim për rreth 200 mijë abonentë.

LEXONI GJITHASHTU:

• Këlliçi: PD duhet të bashkohet me të gjithë aleatët kundër Ramës
• I gatshëm për të qenë kandidat i opozitës përballë Veliajt? Përgjigjet Këlliçi
• Meta kandidat për Tiranën? Spahiu: Edhe Dash Shehi është më i fortë përballë Veliajt