Shpërndanin drogë në Tiranë, arrestohen dy shtetas

2 shtetas janë arrestuar pasi akuzohen për shpërndarje të kokainës dhe kanabisit në doza në Tiranë.

Një peshore elektronike dhe sasia e lëndës narkotike janë sekuestruar.

Efektivët kanë kontrolluar një mjet tip “Audi” në Rrugën e Elbasanit që drejtohej nga shtetasi D. Sh., 46 vjeç, banues në Tiranë ku gjetën dozat gati për shitje.

Ndërkohë u kontrollua dhe një servis në posedim nga 46-vjeçari, në Mullet, ku brenda një mjeti tip “Porsche” me drejtues shtetasin A. H., u gjet sasi lënde të dyshuar narkotike kanabis, një pjesë e ndarë në doza, gati për shitje, si dhe një peshore elektronike.

Nga verifikimet e kryera ka rezultuar se shtetasi A. H. dhe D. Sh., në bashkëpunim me njëri-tjetrin, pasi siguronin lëndë narkotike, e ndanin në doza dhe i shisnin ato në zona të ndryshme të Tiranës, bën me dije policia.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Akuzat për korrupsion dhe favore, cilat janë privatizimet e Ahmetajt në Tiranë
• Bie nga kati i 7-të i një pallati gruaja në Tiranë, ndërron jetë në vend