Shpërndanin kokainë në lokalet e natës në Himarë, arrestohen dy të rinjtë

Dy persona janë arrestuar nga policia pasi shpërndanin lëndë narkotike të llojit kokainë në zonën e Himarës.

Në pranga kanë përfunduar shtetasit A. Rr., 26 vjeç dhe N. V., 34 vjeç, banues në Borsh.

Gjatë kontrollit fizik ndaj këtyre shtetasve dhe kontrollit në banesat e tyre, shërbimet e Policisë gjetën sasi lënde të dyshuar narkotike kokainë, rreth 130 doza, të cilat u sekuestruan në cilësinë e provës materiale, së bashku me një shumë parash dhe 2 celularë.

Nga veprimet hetimore dyshohet se këta shtetas i shpërndanin dozat e kokainës, në zonën e Himarës, kryesisht në lokalet e natës.

Materialet procedurale i kaluan Prokurorisë, për veprime të mëtejshme.