Shpërndanin lëndë narkotike në Kuçovë, arrestohen tre persona

Pas një hetimi intensiv 8-mujor, është finalizuar me sukses operacioni policor i koduar “Prova”, i cili kishte për qëllim goditjen e një grupi kriminal që shpërndante lëndë narkotike në formë dozash në qytetin e Kuçovës.

Operacioni u zhvillua nga Seksioni për Hetimin e Narkotikëve, në bashkëpunim me Forcën e Posaçme Operacionale, dhe nën drejtimin e Prokurorisë së Rrethit Gjyqësor Berat.

Si rezultat i këtij operacioni u arrestuan tre shtetas:

Ll. N., 33 vjeç,

L. M., 24 vjeç

D. D., 26 vjeç, të tre banues në Kuçovë.

Gjykata e Beratit ka caktuar për ta masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim.

Gjatë hetimeve, të cilat janë zhvilluar me metoda proaktive, janë siguruar prova që tregojnë se të arrestuarit ishin të organizuar si grup kriminal, siguronin lëndën narkotike Cannabis Sativa, e ndanin në doza dhe më pas e shpërndanin në zonën e Kuçovës.

Policia dhe Prokuroria theksojnë se hetimet për këtë çështje vijojnë, ndërsa paralajmërojnë ndëshkime për çdo aktivitet kriminal që cënon sigurinë publike dhe shëndetin e qytetarëve.

LEXONI GJITHASHTU:

• Rama zgjodhi Manastirliun si kryetare e Bashkisë Tiranë, reagon Kryetarja e Deleguar
• Kush do të jetë kandidati i PD-së për Bashkinë e Tiranës? Përgjigjet Berisha