Shpërndante drogë në lokalet e natës në Vlorë, arrestohet 28-vjeçari

Një 28-vjeçar është arrestuar nga policia e Vlorës pasi u kap në flagrancë duke shpërndarë drogëra të forta me doza të vogla.

Gjatë kontrollit fizik, shtetasit R. S., 28 vjeç, banues në Vlorë, iu gjetën nga policia doza me lëndë të dyshuar narkotike  kokainë dhe kanabis, të cilat u sekuestruan në cilësinë e provës materiale, së bashku me 1 aparat celular.

Nga veprimet hetimore dyshohet se ky shtetas i shpërndante dozat e kokainës dhe të kanabisit, në qytetin e Vlorës, kryesisht në lokalet e natës.

Materialet procedurale në ngarkim të tij i kaluan Prokurorisë, për veprime të mëtejshme.

Policia bën me dije se po vijon puna për dokumentimin e plotë të veprimtarisë kriminale të këtij shtetasi.