Shpërndarja e materialeve zgjedhore nis në Fier dhe zonat përreth

Mesditën e sotme ka filluar shpërndarja e materialeve zgjedhore në tre KZAZ-të 58, 59 dhe 60, të cilat mbulojnë qytetin e Fierit dhe njësitë administrative përkatëse.

Sipas ligjit zgjedhor, materialet janë tërhequr nga kryetarët dhe sekretarët e qëndrave të votimit, ndërsa shpërndarja në kohë është e domosdoshme për organizimin dhe administrimin e procesit zgjedhor.

Shpërndarja do të mundësojë zhvillimin dhe mbikëqyrjen e një procesi të qetë dhe të organizuar, për 97 qëndrat e votimit dhe 157,761 zgjedhës në këtë bashki. Në KZAZ-në 60, shpërndarja është realizuar për 97 qëndrat e votimit të qytetit, ndërsa në KZAZ-të 58 dhe 59 po bëhet shpërndarja për qëndrat e votimit në njësitë administrative të Fierit.

Përveç Fierit, në orën 12:00 të ditës së sotme ka nisur shpërndarja e materialeve zgjedhore edhe në bashkitë Patos, Roskovec dhe Mallakastër, për t’u siguruar që çdo qendër votimi të jetë e përgatitur në kohë për zhvillimin e procesit të votimit.

LEXONI GJITHASHTU:

• Zgjedhjet/ Nis shpërndarja e materialeve zgjedhore në Pogradec në 106 qendra votimi
• Vlora gati për zgjedhjet e 11 majit, fillon shpërndarja e materialeve zgjedhore