Tre persona kanë mbetur të plagosur nga shpërthimi i një granate në Përrenjas.
Ngjarja ndodhi në fshatin Kakavec, bashkia Përrenjas, rreth orës 12:00.
Policia tha se shtetasi O. E. dhe shtetaset Y. B. dhe D. B., duke punuar tokën me bel, aksidentalisht ka shpërthyer dyshohet një granatë e vjetër dhe për pasojë, këta shtetas janë plagosur në gjymtyrët e poshtme. Të plagosurit janë transportuar menjëherë në spital dhe ndodhen jashtë rrezikut për jetën.
- Advertisement -
Në momentin e shpërthimit të granatës, kanë qenë duke punuar edhe 2 vëllezërit, bashkëshortët e shtetaseve të mësipërme, të cilët nuk kanë pësuar dëmtime.
Grupi hetimor vijon punën në vendngjarje për sqarimin e plotë të rrethanave të këtij rasti.
LEXONI GJITHASHTU: