Shpërthen në flakë në ecje e sipër makina në ByPassin e Vlorës, dyshimet e para

Një automjet ka marrë flakë në ecje e sipër në aksin rrugor Orikum-Vlorë. Fatmirësisht nga djegia e makinës nuk ka patur të lënduar pasi personat që ndodheshin në të kanë mundur të dalin në kohë nga mjeti.

Në bazë të informacioneve paraprake dyshohet se zjarri është shkaktuar nga një shkëndijë elektrike në baterinë e mjetit.

Grupi hetimor dhe policia ndodhen në vendngjarje dhe po punojnë për sqarimin e plotë të rrethanave të ngjarjes dhe përcaktimin e saktë të shkakut të rënies së zjarrit.

“Rreth orës 19:25, në aksin rrugor Orikum-Vlorë, në ByPass, ka marrë flakë në ecje automjeti  në pronësi të shtetasit S. N., 48 vjeç, banues në Tiranë.

Patrulla e Policisë dhe Zjarrfikësit shkuan menjëherë në vendngjarje.

Nga zjarri nuk ka të lënduar, por vetëm dëme materiale dhe paraprakisht dyshohet se zjarri ka rënë si pasojë e një shkëndije elektrike në baterinë e automjetit”, njofton policia.

LEXONI GJITHASHTU:

• Zjarr në një bllok apartamentesh në Korçë, zjarrfikësja në vendngjarje
• Goditi me sende të forta në kokë një person në Korçë, kapet 18-vjeçari