Shpërthim me bombë në një mjet, humb jetën 1 person në Izrael! Dy të tjerë në gjendje kritike

Një shpërthim në një automjet u regjistrua në Haifa të Izraelit, duke rezultuar në vdekjen e një 40-vjeçari dhe plagosjen e një 30-vjeçari dhe një 13-vjeçari. Mjeti shpërtheu pasi në të ishte vendosur një bombë.

Dy të plagosurit u dërguan me urgjencë në spital, ndërsa autoritetet  raportojnë se ata janë në gjendje kritike, me lëndime të shumta në organet jetësore.

Ekipet e shpëtimit që mbërritën në vendngjarje gjetën makinën duke nxjerrë tym dhe tre persona të plagosur aty pranë. 40-vjeçari u transportua me ambulancë të pajisur me një Njësi të Kujdesit Intensiv, megjithatë, pavarësisht përpjekjeve për ta shpëtuar, ai vdiq.