Shpërthim me eksploziv në një dyqan në zonën e Komunës së Parisit

Një shpërthim me eksploziv ka ndodhur në orët e para të mëngjesit të së dielës në zonën e Komunës së Parisit.

Bëhet fjalë për një biznes në pronësi të Amarald Canajt nga Kukësi, i cili prej disa kohësh kishte në posedim edhe biznesin në Tiranë, pranë kompleksit “Kikia 2”.

Burime policore bëjnë me dije se ndaj këtij shtetasi është bërë edhe më parë një veprim i tillë, por fatmirësisht në të dyja rastet nuk ka patur dëmtime në njerëz.

Shpërthimi i fundit ka ndodhur dje rreth orës 04:00 të mëngjesit, dhe bëhet fjalë për një sasi të vogël lënde plasëse që është vendosur dhe ka shpërthyer pranë biznesit.

Hetuesit që po merren me rastin paraprakisht kanë dyshime për ndonjë konflikt që pronari mund të ketë patur, dhe eksplozivi ka qenë për t’i dhënë një mesazh.

Policia ka sekuestruar kamerat e sigurisë pranë zonës ku ka ndodhur ngjarja për të zbuluar nëse është fiksuar ndonjë moment i lëvizjes së autorit/ëve që do t’i ndihmonte hetuesit për zbardhjen e identitetit të tyre.

Njoftimi i Policisë: 

Më datë 11.12.2022, rreth orës 09:30, Policia ka marrë njoftim se ishte hapur me forcë dera e një dyqani në rrugën “Jusuf Vrioni”.

Menjëherë pas njoftimit, në vendin e ngjarjes kanë shkuar shërbimet e Policisë dhe grupi hetimor. Nga veprimet paraprake dyshohet se dera e dyqanit në pronësi të shtetasit A. C. mund të jetë dëmtuar si pasojë e plasjes së një kapsolle detonatore, apo të ndonjë sasie të vogël lëndë plasëse.

Grupi hetimor vijon punën për zbardhjen e rrethanave të ngjarjes dhe të shkakut të dëmtimit të derës.

LEXONI GJITHASHTU:

• Rrugë të bllokuara dhe të shtëna me armë, çfarë po ndodh në veri të Kosovës
• Zyrtarët e lartë të SHBA sot në Kosovë
• ‘Ka njerëz që janë vrarë’, Pango tregon çfarë i ndodhi pas kamerës së fshehtë