Shpërthim në Zveçan, policia dyshon se u përdor granatë dore

Në Zherovnicë të Zveçanit ka ndodhur një shpërthim në orët e para të 18 prillit.

“Dyshohet se shpërthimi është shkaktuar nga një granatë dore, e cila është hedhur në oborrin e një shtëpie”, tha zëvendësdrejtori i Policisë së Kosovës për rajonin e veriut, Veton Elshani për Radion Evropa e Lirë .

Sipas Elshanit, shpërthimi ka shkaktuar dëme të vogla materiale, por raportohet për njerëz të lënduar.

“Njësitë relevante të policisë kanë dalë në vendin e ngjarjes dhe janë duke u marr me rastin”, tha ai.

Ende nuk dihet motivi i këtij shpërthimi. Por, në të kaluarën, në komunat në veri të Kosovës, ku gjendet edhe Zveçani, të banuara me shumicë serbe, ka pasur incidente me mjete plasëse dhe zjarrvënie, por edhe dëmtim të pronës.

Shkak i këtyre incidenteve shpesh kanë qenë serbët që kanë regjistruar makinat e tyre me targat e Kosovës, por edhe serbët që punojnë në institucionet e Kosovës.

LEXONI GJITHASHTU:

• Ndalimi i policëve nga Serbia, Sveçla: Sulm ndaj pjesëtarëve të komunitetit serb
• “Aleatë ngrini zërin”- Osmani: 5 policët tanë po mbahen peng nga një shtet shovinist