Presidentja e Kosovës, Vjosa Osmani, mori pjesë këtë të enjte në ceremoninë e diplomimit të 446 kadetëve të Policisë së Kosovës.
Në fjalën e saj të mbajtur në ceremoni, Osmani u ndal dhe te ndalimi në Serbi i pesë policëve të Republikës së Kosovës.
Presidentja e Kosovës deklaroi se 5 efektivët po mbahen peng nga një shtet shovinisht. Ajo shtoi se sfidat e sigurisë e bëjnë të nevojshme anëtarësimin e Kosovës në Europol dhe Interpol.
“Kërcënimet dhe rreziqet janë përditshmëri e jona ndaj është domosdoshmëri që Kosova të jetë anëtare e EUROPOL-it dhe INTERPO-it”, tha Osmani
Kryetarja e shtetit në Kosovë u bëri thirrje aleatëve të Kosovës që ta ngrijnë zërin dhe të dënojnë veprimet shoviniste të Serbisë.
“Përderisa vazhdimisht përballemi me sfida të sigurisë, mos të harrojmë edhe në këto momente pesë policë të Republikës sonë po mbahen peng nga një shtet shovinist, nga Serbia.
I bëjmë thirrje të gjithë aleatëve tanë që ta ngrisin zërin dhe t’i rrisin përpjekjet që të ndalin mizoritë dhe veprimet e tilla shoviniste kundër qytetarëve tanë dhe kundër policisë sonë. Por, jam e bindur që betimi i sotëm dhe të gjithë këta kadetë dhe ky grup multietnik është përgjigja më e fuqishme kundër përpjekjeve të tilla. Në duar tuaja të dashur kadetë qëndron e ardhmja e qytetarëve tanë”, tha Osmani.
LEXONI GJITHASHTU:
