Një shpërthim është regjistruar pranë konsullatës ruse në qytetin jugor të Francës, Marsejë. Sipas raportimeve të mediave lokale, zhurma e fortë është dëgjuar në afërsi të ndërtesës diplomatike, ndërsa zjarrfikësit kanë konfirmuar një incident në zonë.
Autoritetet franceze ende nuk kanë dhënë një deklaratë zyrtare mbi ngjarjen, por sipas agjencisë ruse të lajmeve RBC, konsulli i përgjithshëm rus në Marsejë, Stanislav Oranskiy, ka pohuar se shpërthimi ka ndodhur brenda ambienteve të konsullatës.
Ndërkohë, agjencia TASS raporton se Oranskiy e ka cilësuar këtë ngjarje si një akt me të gjitha karakteristikat e një sulmi terrorist. Ministria e Jashtme e Rusisë ka kërkuar një hetim të menjëhershëm mbi shpërthimin dhe rrethanat e tij.
Autoritetet franceze pritet të japin më shumë detaje në vijim lidhur me incidentin dhe masat e marra për sigurinë në zonë.
Lajm në përditësim…
