English

Shpërthimet vdekjeprurëse, Irani: Kemi arrestuar 35 persona

KOMENTE

SHPERNDAJE
ARTIKULLIN

Text sizeAa Aa

Tridhjetë e pesë persona u arrestuan në lidhje me sulmet e 3 janarit në qytetin juglindor të Kermanit ku u vranë 94 persona, tha të enjten Ministria iraniane e Inteligjencës, sipas agjencisë së lajmeve Tasnim.

- Advertisement -

Ministria tha se deri tani ka identifikuar një nga dy sulmuesit, si një shtetas nga Taxhikistani i cili hyri ilegalisht në Iran më 19 dhjetor.

Më shumë informacione për sulmuesin e dytë do të jepen në një datë më vonë, tha ministria, duke shtuar se arrestimet ishin kryer në disa provinca iraniane.

Shteti Islamik mori përgjegjësinë më 4 janar për sulmin që vrau rreth 100 njerëz dhe plagosi 284 të tjerë. Shpërthimet ndodhen gjatë shënimit të përvjetorit të ish-komandantit iranian, gjeneralit Qassem Soleimani, i cili ishte vrarë para katër vjetëve nga një sulm ajror amerikan.

Teherani është zotuar të hakmerret për sulmin më të përgjakshëm të tillë që nga Revolucioni Islamik i vitit 1979, shkruan REL.

Përmes një deklarate, grupi militant tha se dy anëtarë të tij “aktivizuan jelekët e tyre me eksplozivë” në mes “të një turme të madhe të femohuesve të mbledhur afër varrit të liderit të tyre”.

Shpërthimet në Kerman kanë nxitur frikën se mund të zgjerohet konflikti në rajon, pasi Izraeli po e vazhdon luftën kundër Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian, në Rripin e Gazës, dhe grupi rebel Huthi nga Jemeni – i lidhur me Iranin – po i vazhdon sulmet ndaj anijeve tregtare në Detin e Kuq.

Autoritetet iraniane e shpallën 4 janarin ditë zie për viktimat e shpërthimeve.

Presidenti i Iranit, Ibrahim Raisi u zotua se “padyshim, autorët e këtij akti frikacak do të identifikohen dhe për aktin e tyre do të ndëshkohen së shpejti nga forcat e sigurisë dhe rendit”.

Përvjetorët e vdekjes së Soleimanit edhe më parë kanë tërhequr turma të mëdha.

Në funeralin e Soleimanit më 2020 mijëra njerëz morën pjesë dhe shtypën njëri-tjetrin, duke lënë të vdekur 56 persona dhe të plagosur më shumë se 200 të tjerë.

Soleimani ishte arkitekt i aktiviteteve ushtarake rajonale të Iranit dhe konsiderohej si ikonë kombëtare në mesin e mbështetësve të teokracisë në Iran.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?