Shpërthimi me tritol në Durrës, kush është Ilir Kocilja, 2 javë më parë vrau fqinjin

Të tjera detaje kanë dalë lidhur me shpërthimin me tritol që ndodhi mbrëmjen e sotme në një banesë në afërsi të qendrës së Durrësit.

Sipas burimeve për Euronews Albania, bëhet me dije se shpërthimi ka ndodhur në lagjen nr. 4 të qytetit, në katin e parë të banesës së Ilir Kociles.

Ilir Kocila është autori i dyshuar i vrasjes me thikë të Halil Kokës rreth dy javë më parë, pas një sherri për parkimin.

Nga shpërthimi i rreth 500 gramëve tritol nuk raportohet për viktima, por vetëm për dëme materiale.

Ndërkohë Policia ndodhet në vendin e ngjarjes dhe po punon për zbardhjen e plotë të saj.

Njoftimi i Policisë:

Durrës/Informacion paraprak

Më datë 26.02.2024, rreth orës 19:55, në lagjen nr.4, Durrës, në pjesën e jashtme të dritares së banesës së shtetasit I. K., në të cilën nuk banon njeri, është hedhur dhe ka shpërthyer një sasi e vogël lëndë plasëse duke shkaktuar vetëm dëme materiale.

Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e ngjarjes identifikim dhe kapjen e autorit/ve.

LEXONI GJITHASHTU:

• Vrau me thikë Halil Kokën, shpërthim me tritol në banesën e Ilir Kociljas në Durrës
• E rëndë në Durrës/ Vajza vret babain dhe e gropos në oborrin e shtëpisë