Shpëtohen 37 emigrantë të paligjshëm në 3 gomone, tentuan të kalonin në ujërat greke

Anija “Butrinti”, pjesë e misionit “Sea Guardian” në detin Egje, ka realizuar me sukses tre operacione SAR gjatë mbrëmjes së të hënës.

Ministri i Mbrojtjes, Niko Peleshi ka njoftuar përmes një postimi në faqen e tij zyrtare në Facebook se 3 gomone me 37 emigrantë të paligjshëm janë shpëtuar nga rreziku, në tentativë për të kaluar në ujërat greke.

“Kalimi i paligjshëm në detin Egje është një sfidë e madhe, jo vetëm për Aleancën e NATO-s, por edhe për vendet tranzit që duhet të përballojnë një fluks të vazhdueshëm të emigrantëve të paligjshëm. Besimplotë, se vetëm përmes bashkëpunimit, mund të adresojmë këtë sfidë dhe të garantojmë jetën dhe sigurinë e të gjithë atyre që përfshihen në situata të tilla,” – shkruan Peleshi.

LEXONI GJITHASHTU:

• Partia e Lirisë kërkon dorëheqjen e Niko Peleshit: Të sqarohet para drejtësisë
• “Niko Peleshi, në syrin e ciklonit”, Lita: S’do ta kalojë lehtë rastin e Zall Herrit