Kryeministri Edi Rama ka ndarë një mesazh me rastin e 15-vjetorit të anëtarësimit të Shqipërisë në NATO. Përmes një postimi në Twitter Rama, falënderon sekretarin amerikan të Shtetit, Anthony Blinken për mesazhin ndaj Shqipërisë në këtë ditë të veçantë ndërsa.
Kryeministri shprehet se “ne jemi të nderuar të qëndrojmë krah për krah me aleatët tanë, në radhë të parë Shtetet e Bashkuara, ndërsa vazhdojmë të përshtatemi dhe forcojmë bashkëpunimin tonë përballë sfidave globale në zhvillim”.
“Faleminderit Sekretar Blinken. Ky 15-vjetor i anëtarësimit të Shqipërisë në NATO nuk është vetëm një festë e arritjeve tona të së shkuarës, por edhe një riafirmim i përkushtimit tonë të palëkundur ndaj parimeve dhe vlerave që mbështesin Aleancën tonë. Gjatë 15 viteve të fundit, Shqipëria ka kontribuar me krenari në mbrojtjen kolektive dhe sigurinë e NATO-s dhe ne mbetemi të palëkundur në përkushtimin tonë për të mbështetur paqen dhe vlerat demokratike në të gjithë rajonin tonë dhe më gjerë. Ne jemi të nderuar të qëndrojmë krah për krah me aleatët tanë, në radhë të parë Shtetet e Bashkuara, ndërsa vazhdojmë të përshtatemi dhe forcojmë bashkëpunimin tonë përballë sfidave globale në zhvillim. Ne presim shumë vite të tjera bashkëpunimi të frytshëm brenda familjes së NATO-s. Faleminderit për aleancën, miqësinë dhe partneritetin”, shprehet Rama.
LEXONI GJITHASHTU:
- Olsi Rama e kallëzoi penalisht, reagon Gazment Bardhi
- Olsi Rama kallëzon në SPAK Gazment Bardhin: Ka cënuar nderin dhe dinjitetin tim
