Shqipëria Bëhet dhe Nisma Thurje kërkesë në KQZ për regjistrimin e koalicionit

Partia Lëvizja Shqipëria Bëhet, Nisma Thurje dhe Lidhja për të Drejtat e Punëtorëve Shqiptarë kanë dërguar në KQZ kërkesën për regjistrimin e koalicionit në zgjedhjet e 11 majit.

Në shkresën dërguar KQZ thuhet se ky koalicion do të mbajë emrin Nisma Shqipëria Bëhet, ndërsa drejtues do të jetë Adriatik Lapaj.

Gjithashtu logoja e koalicionit do të jetë logoja e Partisë “Lëvizja Shqipëria Bëhet”.

Kërkesa:

Komisionit Qëndror të Zgjedhjeve, Komisioneri Shtetëror i Zgjedhjeve Lënda: Kërkesë për të regjistruar koalicionin në zgjedhjet e 11 Majit 2025 Baza ligjore: Neni 64, Kodi Zgjedhor i Republikës së Shqipërisë I nderuar Komisioneri Shtetëror i Zgjedhjeve, Në bazë të Kodit Zgjedhor, po ju dërgojmë kërkesën për të regjistruar në zgjedhjet e përgjithshme të 11 Majit 2025, koalicionin e partive politike të mëposhtme:

1. Partia “Lëvizja Shqipëria Bëhet” (SHB)
2. Partia “Nisma Thurje” (Nisma)
3. Partia “Lidhja për të Drejtat e Punëtorëve Shqiptarë” (PLDSH)

Partia drejtuese e koalicionit është Partia Shqipëria Bëhet, dhe drejtuesi i saj do të jetë edhe drejtues i koalicionit.

Emri i koalicionit është Nisma Shqipëria Bëhet – Adriatik Lapaj, dhe logoja e koalicionit do të jetë logoja e Partisë “Lëvizja Shqipëria Bëhet”. Veprimtaria e koalicionit, përgatitja e listave garuese dhe marrëdhëniet mes anëtarëve rregullohen me marrëveshje mes palëve, e cila është bashkangjitur kësaj kërkese.

LEXONI GJITHASHTU:

• Regjistrohet në KQZ koalicioni LZHK-Djathtas 1912, ja kush do e drejtojë
• Mërtiri: Në primare fituan mbështetësit e Berishës, u bënë pazare