Shqipëria do e blejë shtrenjtë energjinë, BERZH: 3.3% rritje ekonomike

Pasojat e luftës Rusi-Ukrainë do të ndihen gjatë, në vendin tonë. BERZH është institucioni i parë që rishikon me ulje rritjen ekonomike të Shqipërisë në 3.3%, nga 3.7% që e parashikonte në nëntor.

Parashikimi vlen edhe për vendet e fqinje, të cilat do të ndikohen nga çmimet më të larta të naftës dhe të gazit.

Në Ballkanin Perëndimor, rritja ekonomike projektohet 3.2 përqind këtë vit.

Në këtë rajon, Shqipëria bashkë me Maqedoninë e Veriut janë më të ekspozuara ndaj rritjes së çmimeve të energjisë elektrike, pasi janë të varura nga importet.

Në zonat e luftës, BERSH parashikon tkurrje me 10% të ekonomisë ruse dhe 20% për Ukrainën, ndërkohë që shkruan se viti 2023, pritet të rikthejë zhvillimin ekonomik në nivel global.

BERZH sqaron se ekonomitë e vendeve të rajonit u zgjeruan me 6,6% në 2021, pas një rënie me 2,6% që patën në 2020, si pasojë e Covid-19.

LEXONI GJITHASHTU:

• Ukraina sulmon për herë të parë territorin e Rusisë
• Rriten me 33% çmimet e produkteve të shportës bazë
• Ulet me 8 lekë çmimi i naftës, vendimi i Bordit të Transparencës