“Shqipëria, Europa e sapo zbuluar”, Gazeta greke: Destinacionet që duhen vizituar

Turizmi në Shqipëri ka tërhequr këtë vit dhe vëmendjen e medias greke, duke e renditur atë si një nga deviacionet më të preferuara të turistëve të huaj.

Shqipëria nuk u ka shpëtuar syrit të mediave, këtë herë atyre greke. Pikërisht gazeta greke “TravelGo”, ka listuar vendet më të preferuara nga turistët e huaj, në Shqipëri. Madje ata kanë bërë dhe një koment për secilin vend, duke sugjeruar destinacionet e reja.

“Vendi ynë fqinj, ka bukuri natyrore dhe atraksione përtej imagjinatës suaj – nga plazhet që plotësojnë të gjitha shijet deri te vendet arkeologjike dhe peizazhet malore të lë pa frymë”, kështu e nis shkrimin gazeta greke.

Tirana është e para në listë si, kryeqyteti ku e vjetra dhe modernja, janë kompozuar më së miri bashkë. Berati është i dyti në listë, Maldivet e Shqipërisë, Ksamili nuk kishte sesi të mos i shpëtonte syrit të gazetës greke.

Butrini, Gjirokastra, Shkodra, Alpet e Shqipërisë, Apolonia Plazhi i Gjipesë, janë disa nga destinacionet më të preferuara të turistëve të huaj, e që sipas gazetës pritet që të sjellin një bum turistësh edhe vitin që vjen.

Çmimet e lira, mikpritja janë disa nga shumë arsye të tjera, që sugjerohet që të vizitohet Shqipëria.

LEXONI GJITHASHTU: 

• “Shqiptarët s’janë budallenj”, Bejko: Ne jemi për bashkim, por pa Berishën
• Burimi: Berisha pa vulë e pa logo dhe prapë është më mire se Basha