Shqipëria humbet ndaj Anglisë me shifrat 0-2

Ka përfunduar para pak minutash ndeshja midis Shqipërisë dhe kombëtares se Anglisë, me fitoren 0-2 të anglezëve.

Në një ndeshje të dominuar nga miqtë, kombëtarja e “Tre Luanëve” ka arritur të gjejë golin e avantazhit në minutën e 39-të, pas një gabimi në vendosje të prapa-vijës kuqezi, me anë të sulmuesit Herri Kejn.

Goli i dytë për anglezët erdhi në minutën e 63-të, me anë të mesfushorit Mejson Maunt.

Me këtë triumf të arritur në Tiranë, Kombëtarja e Anglisë ngjitet në kuotën e gjashtë pikëve, ndërkohë që Shqipëria do të luajë pas tre ditësh sfidën tjetër për eliminatoret e Botërorit “Katar 2022″ në transfertë kundër San Marinos.