Shqipëria humbet ndaj Çekisë, Silvinjo: Ishin të motivuar, sidomos pas humbjes 3-0

Pas humbjes 2-0 ndaj Çekisë, trajneri i Kombëtares Shqiptare, Sylvinho, analizoi situatën për mediat, duke pranuar se kundërshtari ishte superior, por gjithashtu shprehu pritshmëritë e tij për një reagim të shpejtë nga skuadra. Sipas tij, humbja ishte e vështirë për t’u pranuar, por ai vlerësoi se skuadra çeke kishte një motivim të jashtëzakonshëm, duke kërkuar hakmarrje për humbjen e rëndë 3-0 në Tiranë dhe për faktin se ata nuk kishin shijuar fitoren për më shumë se një vit. Sylvinho theksoi se ky motivim i fortë i kundërshtarit bëri diferencën në këtë përballje.

Trajneri brazilian vuri në dukje se Shqipëria tani është një ekip që nuk kalohet më lehtë nga kundërshtarët dhe se skuadrat e tjera po e studiojnë gjithnjë e më shumë. Ai pranoi se kjo është një sfidë e re për kuqezinjtë, të cilët duhet të përmirësohen në disa aspekte për t’i bërë ballë ekipeve që po i analizojnë më me kujdes. Sipas Sylvinho, nuk ishte çështje taktike që çoi në këtë humbje, por më shumë fakti që kundërshtari kishte përgatitur mirë strategjinë e tij kundër Shqipërisë.

Trajneri nuk harroi të përmendte disa raste të mira që skuadra e tij krijoi gjatë ndeshjes, me lojtarë si Daku, Asani, Laçi dhe Asllani që patën mundësi për të shënuar. Megjithatë, sipas tij, Çekia tregoi forcë dhe u duk sikur po luanin me një ekip të nivelit të lartë, duke i krahasuar me Brazilin për mënyrën se si ishin motivuar dhe përqendruar në këtë ndeshje.

LEXONI GJITHASHTU:

• VIDEO| Përplasje mes tifozëve shqiptarë dhe çekë pas thirrjeve “Kosova është Serbi”
• Simbole anti-shqiptare nga tifozët çekë në ndeshjen me Shqipërinë