Politologu Adri Nurellari komentoi gjetjet e Barometrit në Euronews Albania lidhur me perceptimin e shqiptarëve për bilancin e tyre personal për vitin 2024.

Sipas Nurellarit, Shqipëria është ndër vendet më pak të lumtura në botë dhe kjo shpjegon dëshirën masive të shqiptarëve për t’u larguar nga vendi.

“E shikoj këtë panoramë shumë të saktë sepse kur e krahason me renditjen e vendeve më të lumtura, Shqipëria renditet ndër vendet më pak të lumtura në botë. Ne renditemi në vendin e 97 në botë, në vendin e 105 është Ukraina që është në luftë, ndërsa para nesh është Libia dhe Algjeria. Kjo është e kuptueshme se jo vetëm vendi nuk ka pasur zhvillimin që pritej, por rritja e kostos së jetesës reflektohet në përqindjen e madhe të popullsisë që do të ikë nga vendi. Vitin e kaluar janë larguar nga vendi 75 mijë banorë”, tha Nurellari.

LEXONI GJITHASHTU:

• Shqiptarët bilanc më negativ për vitin 2024 krahasuar me vitin 2023
• Shqiptarët frikë nga IA, 46% më të shqetësuar në rajon nga Inteligjenca Artificiale