Shqipëria nuk raporton asnjë humbje jete nga COVID-19

Në 24 orët e fundit nuk është regjistruar asnjë humbje jete nga COVID-19. Të dhënat bëhen publike nga Ministria e Shëndetësisë dhe e Mbrojtjes Sociale, e cila shton se nga 2954 testime, një prej tyre ka rezultuar pozitiv.

Në spitalet COVID po merr trajtim një person, ndërsa raportohen për 63 raste aktive në  dymbëdhjetë qarqet e vendit.

Bazuar në të dhënat e ministrisë thuhet se gjatë orëve të fundit janë shëruar nga coronavirus katër qytetarë, duke e çuar totalin e tyre në 129,994, që nga fillimi i epidemisë.

Shpërndarja gjeografike e rasteve aktive sipas qarqeve:
Tiranë 26
Shkodër 14
Durrës 5
Lezhë 5
Elbasan 5
Berat 3
Dibër 2
Kukës 1
Fier 1
Vlorë 1.

Deti tani kanë ndërruar jetë 2,456 qytetarë nga coronavirus, shumica e të cilëve me sëmundje të tjera bashkëshoqëruese.

Në përpjekje për të mbajtur situatën nën kontroll, qeveria ka shtrirë fushatën e vaksinimit edhe tek ato persona, që janë mbi 18 vjeç.

LEXONI GJITHASHTU: 

• ​Rikthehen kufizimet në Australi për shkak të variantit “Delta” të COVID-19