Shqipëria zyrtarisht në Euro 2024, Meta: Kualifikim historik, na bën krenarë

Shqipëria është zyrtarisht pjesë e Europianit 2024 në Gjermani. Deri në minutën e 88’ të ndeshjes Shqipëria ishte në avantazh, por pas një harkimi në zonë, Baboglo shënoi golin e barazimit 1-1. Edhe pse barazim, Shqipëria siguroi vendin e saj në Europian, ndërsa ka dhe një ndeshje më Ishujt Faroe, rezultati i së cilës do të shërbejë vetëm për statistikë dhe për të ruajtur kreun e grupit. Aktualisht kombëtarja jonë ka grumbulluar 14 pikë dhe është në krye të grupit E.

Kreu i partisë së Lirisë Ilir Meta ka reaguar menjëherë pas përfundimit të ndeshjes përmes një postimi në Facebook. Meta e cilëson fitoren e kombëtares një kualifikim historik që bën krenar dhe gëzon gjithë kombin shqiptar.

“Urimet më të përzemërta shqiponjave kuqezi, trajnerit, stafit dhe në veçanti tifozëve të mrekullueshëm për mbështetjen e tyre të jashtëzakonshme në çdo ndeshje. Jam besimplotë që shkëlqimi dhe entuziazmi i kuqezinjve tanë do të jetë po aq i jashtëzakonshëm në Kampionatin Europian, kualifikimi në të cilin është plotësisht i merituar”, shprehet Meta

LEXONI GJITHASHTU:

• Shqipëria zyrtarisht në Euro 2024
• “Faleminderit për këtë dhuratë fantastike”, Rama uron Kombëtaren