Shqiptarët mendojnë se siguria kombëtare cenohet nga korrupsioni dhe krimi

Afro gjysma e shqiptareve mendojnë se fenomeni që cenon sigurinë kombëtare është korrupsioni. Ne perceptimin publk per vitin 2025, ne vend te dyte qëndron krimi i organizuar.

Perceptimi publik në Shqipëri për kërcënimet kryesore ndaj sigurisë kombëtare dominohet nga korrupsioni dhe krimi i organizuar.

Të dhënat e anketës Security Barometer tregojnë se 47% e qytetarëve e konsiderojnë korrupsionin si kërcënimin kryesor, ndërsa 21% e rendisin si kërcënimin e dytë më të madh. Ky rezultat pasqyron shqetësimin e vazhdueshëm për ndikimin e korrupsionit në institucionet publike dhe në zhvillimin ekonomik të vendit.

Në vend të dytë qëndron krimi i organizuar, me 19% të të anketuarve që e shohin si rrezikun kryesor. Kjo tregon perceptimin e gjerë për praninë e grupeve kriminale dhe ndikimin e tyre në jetën sociale e ekonomike.Në vend të tretë, me 13% qendron rreziku i luftës me vende të tjera, çka sugjeron një ndjeshmëri të shtuar ndaj paqëndrueshmërisë gjeopolitike në rajon.

Në vijim të renditjes, krimi kibernetik zë vendin e katërt (6%), duke reflektuar rritjen e sulmeve dixhitale dhe pasigurinë në hapësirën online.Pandemitë ndodhen në vendin e pestë duke treguar se përvoja e COVID-19 ende ndikon në perceptimet e sigurisë publike.

LEXONI GJITHASHTU:

• Suedia pezullon ndihmën për Serbinë, shkak korrupsioni dhe moszbatimi i ligjit
• Dumani: Korrupsioni mbetet krim me rrezikshmëri, 10 funksionarë të lartë të dënuar