“Shqiptarët të shqetësuar nga çmimet e larta”, Soko: Qeveria është larg qytetarëve

Eksperti i ekonomisë Pano Soko ishte këtë të premte i ftuar në “Barometri” në Euronews Albania, ku foli për emigrimin i cili është konsideruar si një shqetësim kryesor nga qytetarët, si dhe për shqetësimet e tjera të tyre.

“Emigrimi po e dominon kaq shumë realitetin shqiptar saqë dikush që nuk e ka problem personal emigrimin, e vendos atë të parin. Shumica e shqiptarëve mendojnë se një gjë që nuk po i ndikon ata personalisht, është shqetësimi më i madh në këtë vend”,-tha Pano Soko.

Soko tha gjithashtu se dy probleme kryesore të qytetarëve janë çmimet e larta dhe kostoja e jetesës:

“Në tre pyetjet e para dy janë kostoja e jetesës dhe çmimet e larta, të cilat unë do i përmblidhja në një, është aq shqetësuese sa edhe kështu si është bërë pyetja, qytetarët e kanë zgjedhur dy herë të njëjtën përgjigje.

Ky është problemi më madhor që ne kemi sot dhe askush nuk po kujdeset për këtë gjë. Vëmendja publike dhe e qeverisë që kanë në dorë të bëjnë gjëra për qytetarët duket se është shumë larg shqetësimit që kanë qytetarët”,-tha Pano Soko.

LEXONI GJITHASHTU:

• “Shqipëria si Italia në vitet ’70!” Politologu dënon sulmin ndaj avokatit
• Emigrimi problem kryesor i vendit, bie korrupsioni si shqetësim