Shqiptari flet për Euronews nga zona e përmbytur në Greqi: Lumi ka dalë nga shtrati

Në Greqi është rritur numri i viktimave të shkaktuara nga stuhia ‘Daniel’, e cila prej disa ditësh po përshkon vendin, kryesisht në pjesën qendrore të tij. Ndërkohë, shumë persona të tjerë konsiderohen të humbur, por numri i tyre nuk dihet me saktësi.

Euronews Albania pasyroi siuatën nga Larisa një nga zonat më të prekura nga tërmeti në Greqi.

Në një lidhje të drejtpërdrejtë me Euronews, shtetasi shqiptar Llambro Gjika, tha se lumi në Larisa ka dalë nga shtrati duke e bërë situatën tepër të vështirë.

Gjika thotë se lumi është ngritur rreth 120 cm nga shtrati i tij.

“Lumi ka dalë nga shtrati dhe po bën dy- tre orë që ka ngelur në të njëjtin nivel, po të shikoni bashkia e qytetit ka vënë nivelet fiks në këto momente jemi 120 cm nga dalja e tij”- tha Gjika.

Gjika shtoi se një nga zonat më problematike vijon të mbetet Kardhica, ku niveli i ujit ka arritur në 3 metra.

Sipas tij njerëzit po qëndrojnë në tarracat e banesave të tyre dhe pop resin ndihmën e autoriteteve nga ajri për t’u furnizuar me ushqim ose për t’u evakuuar.

“Zona më e prekur nga përmbytjet është zona e Kardhicës, atje niveli i ujit ka arritur deri në 3 m, duken vetëm çatitë e shtëpive, ndërsa helikopterët shkojnë tek ata njerëz që kanë nevojë, që kanë dalë nëpër taracat e shtëpive, çojnë ushqime, ndërsa në Larisa qytet bashkia çon thasë me rërë për çdo rast”- tha Gjika.

LEXONI GJITHASHTU:

• VIDEO| Situatë apokaliptike në Greqi, 1 viktimë e 1 i zhdukur nga përmbytjet
• Përmbytje masive në Greqi, Turqi e Bullgari, raportohet për 7 viktima