Shtatë raste të reja nga COVID-19 në Shqipëri

Ministria e Shëndetësisë dhe e Mbrojtjes Sociale thotë se në orët e fundit janë regjistruar shtatë raste të reja dhe asnjë viktimë nga COVID-19.

Në spital po marrin mjekim dy pacientë, ku njëri prej tyre ndodhet në gjendje të rëndë shëndetësore. Sipas MSH-së, aktualisht në të gjithë vendin janë evidentuar 76 raste aktive me coronavirus.

Shpërndarja gjeografike e rasteve aktive sipas qarqeve:
Tiranë          27
Shkodër       20
Durrës          7
Lezhë           7
Berat            5
Elbasan         4
Dibër            2
Kukës           2
Fier              1
Vlorë            1.

Nga fillimi i epidemisë kanë ndërruar jetë 2,455 persona, shumica e të cilëve me sëmundje të tjera bashkëshoqëruese.

Treguesit e raportuar nga MSH-ja faktojnë se gjendja epidemiologjike e COVID-19 ka hyrë në një fazë të qëndrueshme dhe kjo ka krijuar lehtësira si për qytetarët ashtu dhe për aktivitetet tregtare.

LEXONI GJITHASHTU:

• Falsifikonin testet e COVID-19, Gjykata e Tiranës pritet t’u komunikojë masën e sigurisë 15 të arrestuarve
• Ikën COVID, vijnë virozat, mbi 50 të rinj në ditë paraqiten në spitalin e Sarandës
• Dy qarqe me asnjë të infektuar me COVID-19, mbeten vetëm 79 raste aktive