VIDEO/ Shtëpia e Bardhë publikon pamjet e sulmit mbi Iran, ‘Epic Fury’ me refrenin e ‘Macarena’

Shtëpia e Bardhë publikoi në Instagram një video mbi operacionin ushtarak “Epic Fury”, emri i ndërhyrjes së fundit kundër Iranit. Video shfaq pamje nga sulmet ajrore dhe aktivitetet e Forcave të Armatosura të SHBA-së.

Mes komenteve të shumta, disa përdorues lavdëruan presidentin Donald Trump dhe ushtrinë amerikane për veprimet e tyre, ndërsa të tjerë vunë re elementin e pazakontë të videos: përdorimin e një refreni të njohur nga kënga “Macarena” si sfond muzikor.

Disa komentues e quajtën atë “kolonë zanore të luftës”, ndërsa të tjerë e përshkruan si një zgjedhje të çuditshme për një video ushtarake, duke sugjeruar se personi që e krijoi përmbajtjen mund të jetë “një i ri i entuziazmuar nga lojërat video”.

Video është publikuar nga llogaria zyrtare e Shtëpisë së Bardhë në Instagram @whitehouse dhe ka tërhequr menjëherë vëmendjen e publikut për kombinimin e pamjeve serioze ushtarake me një sfond muzikor të pazakontë.