Shtëpitë mbi 10 mln dollarë, Dubai kryeson shitjet

Kërkesa në rritje për shtëpi luksoze e ka çuar Dubain të parin në listën e qyteteve me më shumë shitje në tregun e pasurive të paluajtshme. Pas tij renditen këtë vit, Hong Kongu, Nju Jorku e Londra.

Dubai ishte tregu më i madh për shtëpitë me vlerë mbi 10 milionë dollarë në tremujorin e parë të 2023, ku u kryen 92 blerje, me vlerë 1.7 miliardë dollarë, sipas hulumtimit nga konsulenca e pasurive të paluajtshme Knight Frank. Për krahasim, Hong Kongu kishte 67 transaksione me vlerë 988 milionë dollarë, Nju Jorku mblodhi 942 milionë dollarë në 58 prona dhe 36 shitje u realizuan në Londër me vlerë 736 milionë dollarë.

Shumë nga individët më të pasur në botë po i drejtohen Dubait si një parajsë financiare, pasi ata konkurrojnë për të blerë një stok të kufizuar të pronave të nivelit të lartë.

Në harkun kohor 5-vjeçar, numri i shitjeve të shtëpive me vlerë 10 milionë dollarë në Dubai është rritur shtatëmbëdhjetë herë.

Në bazë vjetore, Londra zuri vendin e parë vitin e kaluar me 246 shtëpi të shitura për 4.7 miliardë dollarë, krahasuar me 3.9 miliardë dollarë të mbledhura në Dubai në 224 transaksione.

LEXONI GJITHASHTU:

• “Marrëveshje ekstradimi me Dubain”, kandidatët për ambasadorë prezantojnë objektivat
• Berisha: Do kërkojmë komision hetimor për farsën elektorale, sollën bandat nga Dubai