“Shtirej si këshilltar”- Kulla: Skemat që përdorte Navalny për të marrë informacion

Eksperti i Sigurisë, Ilir Kulla, është shprehur se kryeopozitari i vdekur rus, Alexei Navalny, kishte lidhje të forta me shërbimet e huaja dhe kishte kërkuar ndihmë prej tyre për të bërë një grusht shteti nga presidentit Vladimir Putin në Rusi.

Komentet Kulla i bëri në emisionin “Review” në Euronews Albania, ku tha se Navalny po ashtu se Navalny kishte përplasje të drejtpërdrejta me shërbimet ruse dhe në një regjistrim sipas tij, ai shtirej si këshilltar i Petrushevit, për të marrë informacion mbi tentativën e vrasjes së një opozitari.

Sipas Kullës, pushteti i Kishës, ushtrisë dhe shërbimeve sekrete në Rusi është shumë i fortë dhe kushdo ka tentuar të dalë kundër, ka pasur të njëjtin fat.

“Ka pasur lidhje të forta me shërbimet perëndimore dhe është përplasur fort me shërbimet ruse. Ai ka një regjistrim kur futet dhe flet me disa agjentë të shërbimit rus që kishin vajtur diku për të helmuar një figurë opozitare me gaz nervin.

Navalny fliste në telefon dhe e vinte veten në rolin e Partushevit, ku merrte informacion sesi do e vrisnin atë. Kemi edhe një regjistrim tjetër të Navalnyt që i kërkon shërbimeve sekrete britanike ndihmë që të bënin një grusht shteti në Rusi, për të rrëzuar Putinin.

Një vend ama ku ushtria, Kisha dhe shërbimet sekrete janë shumë të forta, kushdo që e ka provuar, ka patur fat të keq”, tha Kulla.

LEXONI GJITHASHTU:

• Shumë larg qytetërimit, ku ndodhet burgu i izoluar ku Navalny kaloi ditët e fundit
• Ndërroi jetë dje, ekipi i Navalnyt: Trupi i tij s’ishte në morg, siç thanë zyrtarët