Klinikat dhe laboratorët privat shëndetësor kanë lulëzuar pas pandemisë.

Të dhënat zyrtare të INSTAT tregojnë se të ardhurat neto në bizneset e lidhura me shërbimet shëndetësore arritën në rreth 44 miliardë lekë përgjatë 2022, me rritje vjetore 7.5%, teksa në raport me vitin 2019, të ardhurat u rritën me 67%.

Në vitin 2019, të ardhurat nga shërbimet shëndetësore të ofruara nga privatët ishin 26 miliardë, por pas pandemisë, arritën nivelin e 44 miliardë lekëve me 2022.

Pandemia Covid-19 rriti nevojën për ekzaminime laboratorike dhe kontrolle rutinë, duke nxitur hapjen e qindra bizneseve që ofronin shërbime shëndetësore.

Në vitin 2022, në të gjithë vendin numëroheshin rreth 4030 biznese me aktivitet në shëndetësi me rritje vjetore 17%, teksa në krahasim me vitin 2019, ndërmarrjet në këtë sektor u shtuan me 27%.

Kjo rritje u reflektua edhe në numrin e të punësuarve.

Sektori i shëndetësisë kishte rritjen më të madhe në përqindje të punonjësve me pagë. Gjithsej numëroheshin 12,095 persona me pagë ose 29% më shumë se në vitin 2021.

së fundmi, bizneset në këtë fushë po nxiten nga kërkesa e të huajve për shërbime shëndetësore në vendin tonë.

Ndërhyrjet estetike dhe shërbimet dentare kanë filluar të kërkohen prej tyre duke I shëndruar në një grup të qëndrueshëm për marrjen e këtyre shërbimeve në vendin tonë.

Kërkesa vjen në rritje viti pas viti, edhe për arsye se barra e sëmundjeve në popullsinë vendase po zgjerohet me shpejtësi, si rrjedhojë e plakjes së popullsisë dhe ndryshimit të stilit të jetesës.

LEXONI GJITHASHTU: 

• Komisioni për Dezinformimin, Nikolla letër zyrtarit të DASH: Na ndihmoni!
• Dominuesit e garës së Japonisë në Formula 1