Shtohen kreditë e këqija në Shqipëria, dy faktorët kyç që ndikuan

Kreditë me probleme janë rritur lehtë në muajin gusht. Sipas statistikave të Bankës së Shqipërisë, ato përbënin 5.3%, nga 5.28% që kishin qenë në fund të muajit korrik.

Raporti i kredive me probleme është gjithashtu në rritje 0.1% krahasuar me të njëjtën periudhë të një viti më parë, kur shënonte nivelin 5.2%.

Rritja e raportit të kredive të këqija gjatë këtij viti ishte e pritshme, por deri tani kjo rritje ka qenë në përmasa të vogla dhe poshtë pritshmërive të Bankës së Shqipërisë.

Inflacioni i lartë dhe rritja e normave të interesit vitin e kaluar, gjykohet se ndikuan në përkeqësimin e treguesve gjatë këtij viti.

Ndërkohë, sa i përket kursit të këmbimit, forcimi i Lekut ka dhënë pjesërisht edhe një efekt paralel negativ, sepse ka tkurrur vlerën e portofolit të kredisë në valutë. Vlera e portofolit të kredisë për ekonominë në fund të gushtit arriti në 724.6 miliardë lekë, me një rritje vjetore prej 1.9%. Në mungesë të efektit të kursit të këmbimit, Banka e Shqipërisë llogarit se rritja vjetore do të kishte qenë rreth 7%.

Në total sistemi bankar shqiptar ka më shumë se 300 milionë euro kredi, e cila nuk paguhet në kohë.

LEXONI GJITHASHTU:

• Shtohen pagesat me rrugë bankare, karta zëvendëson lekun në dorë
• 28 mln euro kredi në gusht, bankat rrisin shumën për blerje prone