Shtohen ndërmarrjet e huaja, 8.1 mld euro investime, italianët zgjerojnë aktivitetin

6443 ndërmarrje të huaja janë regjistruar në vendin tonë gjatë vitit 2019, ose 184 më shumë se vitin paraardhës. Italia mbetet partneri kryesor me 3011 biznese, e ndjekur nga Greqia, të cilat në treguesit e marrë në analizë, dominojnë mbi 50 për qind të volumit të punësimit e import-eksportit.

Të dhënat raportohen nga Instituti i Statistikave, i cili zbulon se në periudhën kohore 2017-2019 ndërmarrjet me origjinë nga shtetet e Bashkimit Evropian zunë mesatarisht 65,6 % të ndërmarrjeve të huaja dhe të përbashkëta, ndërsa shtetet e Ballkanit Perëndimor u përfaqësuan me 10,9 %.

Këto biznese zotërohen nga shtetas të huaj, por edhe me bashkëpronarë shqiptar dhe janë të fokusuar më në sektorin e shërbimeve, në tregti dhe në industri. Në vlerë monetare, peshën kryesore të stokut të investimeve e zunë Zvicra, Holanda, Kanadaja dhe Italia, ndërsa në total ky stok arriti në 8.1 mld euro.

Këto biznese të vendosura në territorin shqiptar kanë 16.1% e të punësuarve në total.

Lexoni gjithashtu:

Turizmi viti zero, 1 mld euro të humbura, kërkohet një vaksinë shpëtimi për pushime