English

Shtrenjtohen shtëpitë në Durrës, kërkesa e të huajve ndikon në rritjen e çmimeve

KOMENTE

SHPERNDAJE
ARTIKULLIN

Text sizeAa Aa

Në Durrës vijon shtrenjtimi i çmimeve të apartamenteve. Një metër katror në qytetin bregdetar kushton 200-300 euro më shumë se një vit më parë. Sipas agjentëve imobiliarë, rritja nuk prek më vetëm zonat elitare të qytetit.

- Advertisement -

“Rritja ka ndodhur në të gjithë tregun imobiliar. Të gjitha zonat  e Durrësit kanë pasur një rritje graduale, rreth 10-15%. Nëse flasim para dy vitesh, në këto zona Vollga dhe Plazh, gjeje apartamente me 700-900 metri katror, sot që flasim i gjen me 1000-1300 euro metri katror, ose rezidenca elitare që shkojnë 1500 euro metri katror”,-tha Florian Tahiri, agjent imobiliar.

Rritja e çmimit ka ecur paralelisht me rritjen e kërkesës. Por cilat janë arsyet dhe kush po i blen këto apartamente?

“Durrësi ka pasur një kërkesë të lartë dhe kjo ka ndodhur për dy arsye kryesore. Arsyeja e parë është interesi nga të huajt, kryesisht nga çekët, polakët, italianët që janë të shumtë këtu dhe së fundmi përshkak të luftë nga ukrainasit dhe rusët ”,-tha Florian Tahiri, agjent imobiliar.

Taksa e rivlerësimit duket se nuk ka ndikuar në shtrenjtimin e çmimeve në tregun imobiliar. Përkundrazi, ajo ka rritur qarkullimin e parave nën dorë.

“Taksa e rivlerësimit nga momenti që është bërë 15% e ka tkurrur tregun dhe shit-blerjet, sepse një pjesë e mirë e qytetarëve nuk duan ta paguajnë kaq të lartë taksën. Zgjidhja më e mirë nga qeveria do të ishte, jo që çdo 2-4 vjet të bëjë këto periudhat e rivlerësimit me taksa të ulëta atëherë kur ka interes, por të vendosë një taksë fikse prej 5% që nuk ndryshon.

Madje dhe Shoqata e Zyrave Imobiliare në të gjithë Shqipërinë i ka bërë kërkesë Ministrisë së Financave, që të vendoset një taksë prej 5% e palëvizshme, që do të ndihmojë shumë tregun, që përveçse do të nxisë shit-blerjet, do nxisë pagesat në bankë dhe do ulë në minimum qarkullimin e parave nën dorë”,-tha Florian Tahiri, agjent imobiliar.

Agjentët parashikojnë se çmimet e apartamenteve në Durrës do të kenë marzh rritjeje edhe për 3-5 vitet e ardhshme.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?