Shtyhet në GJKKO seanca për dosjen “Metamorfoza”, shkak mungesa e avokatëve

Është shtyrë në GJKKO sërish seanca për dosjen “Metamorfoza” për shkak se mungonin avokatët e dy prej të pandehurve.

Seanca e radhës do të zhvillohet më datën 30 maj, ndërsa edhe vetë disa prej anëtarëve të grupit kriminal nuk morën pjesë në gjyq si Pëllumb Gjoka, Behar Bajri, Edmond Preka, Astmer Bilali, Ardit Hasanbegaj, Oltian Bistri, Xahevahir Lita.

Gjithashtu palët u njohën me vendimin e zëvendësimit të Irena Gjokës si pjesë e treshes gjyqësore, duke u zëvendësuar me Erion Çelën, që i bashkohet trupës aktuale me Etleva Dedën e Floja Hajredinajn.

Gjoka është me leje për një afat dy mujor për shkak të rrethanave familjare njoftuan kolegët e saj.

LEXONI GJITHASHTU:

• U dënua nga GJKKO, Gjykata e Lartë prish vendimin për ish-kryebashkiakun e Hasit
• Në burg për dosjen “Metamorfoza”, KPK shkarkon ish-kryeprokurorin e Kukësit