Shtyhet seanca e parë paraprake për kryebashkiakun e Vaut të Dejës, Kristjan Shkreli

Seanca e parë paraprake në GJKKO për kryebashkiakun e Vaut të Dejës, Kristjan Shkreli është shtyrë. Shkak u bë kërkesa e avokatit të Shkrelit i cili kërkoi kohë të njihej me aktet e Prokurorisë së Posaçme.

Seanca e radhës u caktua në datë 21 nëntor në orën 09:30, teksa këtë të marte u legjitimuan palët nga gjykata. Shkreli akuzohet për korrupsion aktiv në zgjedhjet e 11 majit. Sipas SPAK ai u kërkoi banorëve vota në favor të PSD-së duke ofruar të mira materiale.

Gjatë fushatës kryeministri Edi Rama iu drejtua Shkrelit në një takim: Kristian, mos më luaj me dy porta. Shkreli është përfaqësues i zgjedhur i PS, por njihet dhe si i afërt me PSD e Tom Doshit.

LEXONI GJITHASHTU:

• Venat e fryra në dorë ngjallin spekulime të reja për shëndetin e Putin (VIDEO)
• Kryebashkiaku i Vaut të Dejës, Kristjan Shkreli paraqitet në GJKKO