Meta kërkon ndryshim të masës së sigurisë, shtyhet seanca në Apelin e Posaçëm

Shtyhet seanca në Apelin e Posaçëmpër shqyrtimin e kërkesës së presidentit të PL-së, Ilir Meta për shuarjen e masës së sigurisë. Seanca e radhës do të zhvillohet në datën 14 nëntor në orën 09:00.

Shkak u bë paraqitje e një kërkese nga mbrojtja për përjashtimin e gjyqtares, Saida Dollani me argumentin se muajin e kaluar ka gjykuar çështjen për revokimin e masës e cila vendosi mospranimin. Avokati Kujtim Cakrani u shpreh se njëjta gjyqtare nuk mund të gjykojë të njëjtin person mbi dy kërkesa të ndryshme.

Ilir Meta u arrestua më 21 tetor të vitit 2024. Meta dhe deputetja, Monika Kryemadhi dyshohen se në bashkëpunim dhe me funksionarë të tjerë shtetërorë kanë shfrytëzuar postet e tyre shtetërore e politike.

Sipas akuzave dyshohet se ata kanë favorizuar kompani private si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t’i fshehin.

Meta akuzohet për veprat penale “korrupsion pasiv”, “pastrim parash” dhe “fshehje të pasurisë”. SPAK ka mbyllur hetimet më 28 korrik, ndërsa dosjen e kaloi për gjykim në fund të gushtit.

LEXONI GJITHASHTU:

• Seanca paraprake për dosjen “Meta”, Apeli i GJKKO shqyrton edhe kërkesën për liri
• Dyshime për manipulim të fletëve të votimit, PDK: Do të dorëzojmë ankesë në PZAP