Seanca paraprake për dosjen “Meta”, Apeli i GJKKO shqyrton edhe kërkesën për liri

Avokati i presidentit të PL-së, Kujtim Cakrani është paraqitur këtë të martë në ambientet e GJKKO-së. Cakrani përfaqëson Ilir Metën ndërsa Apeli i GJKKO shqyrton sot në orën 10:00 kërkesën për shuarjen e masës së sigurisë. Gjithashtu këtë të martë në 11:00 do të zhvillohet seanca paraprake për dosjen “Meta”.

Në seancën e orës 11:00 është dhe Monika Kryemadhi ish-bashkëshortja e Ilir Metës.

Ilir Meta u arrestua më 21 tetor të vitit 2024. Meta dhe deputetja, Monika Kryemadhi dyshohen se në bashkëpunim dhe me funksionarë të tjerë shtetërorë kanë shfrytëzuar postet e tyre shtetërore e politike.

Sipas akuzave dyshohet se ata kanë favorizuar kompani private si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t’i fshehin.

Meta akuzohet për veprat penale “korrupsion pasiv”, “pastrim parash” dhe “fshehje të pasurisë”. SPAK ka mbyllur hetimet më 28 korrik, ndërsa dosjen e kaloi për gjykim në fund të gushtit.

LEXONI GJITHASHTU:

• Kryebashkiaku i Vaut të Dejës, Kristjan Shkreli paraqitet në GJKKO
• Llagami pretendon se është fituese, Kushtetuesja jep sot vendimin mbi çështjen