Seanca gjyqësore në GJKKO për dosjen e “Sterilizimit” është shtyrë për shkak të mungesës së të pandehurës Naile Ajazi, e cila nuk ka mundur të paraqitet për arsye shëndetësore. Po ashtu, mungoi dhe mbrojtja ligjore e saj.

Gjykata ka caktuar seancën e ardhshme për datën 3 prill 2025, në orën 12:00.

Në seancën e sotme ishte i pranishëm ish-ministri Ilir Beqaj, si dhe të pandehurit Klodian Rrjepaj dhe Ilir Rapaj. Ky i fundit kërkoi të mbrohej nga një avokat italian, por gjykata i sugjeroi që të kërkonte leje nga Dhoma e Avokatisë Shqiptare për të mundësuar përfaqësimin e tij nga një avokat i huaj.