Shtyhet seanca për gjyqin e “Sterilizimit”, rëndohet akuza ndaj Beqajt

Seanca për gjyqin e Sterilizimit është shtyrë për shkak te largimit nga seanca të një prej avokatëve për arsye familjare.

Në seancën e ardhshme gjykata do te shprehet për ndarjen e çështjes pasi disa prej te pandehurve kane kërkuar gjykim të shkurtuar dhe ndarjen veçmas.

Ish-ministri i Shëndetësisë Ilir Beqaj është marrë i pandehur për akuzën e vjedhjes duke shpërdoruar detyrën në kuadër të organizatës kriminale. Beqaj u tregua i ashpër me gjyqtaren Davidhi që rëndoi pozitën e tij penale. Ai kërkoi që ky procedim nuk duhet të niste nga SPAK pasi prokuroria Tiranë 10 vjet më parë e kishte pushuar. Beqaj kërkoi pushimin e menjëhershëm të çështjes. Ish-ministri ka pretenduar se ndaj tij nuk janë respektuar të drejtat dhe për këtë ai ka lexuar direktivat e BE për mbrojtjen e të dënuarve. Beqaj ka kërkuar gjykimin e çështjes me gjykim të zakonshëm dhe mosndarjen e saj.

“Theksoj që ne të akuzuarit nuk jemi të gjithë një palë në proces (pala e të akuzuarve), por secili prej nesh eshte palë më vete. Dhe Kodi Procedures Penale do dakordësinë e të gjitha palëve. Prandaj, nuk ka rëndësi sa të pandehur shprehin dakordësinë për ndarjen e çeshtjes. Edhe një i pandehur i vetëm qe shpreh mosdakorëdesi e pamundeson ndarjen e çështjes”, u shpreh Beqaj para gjykatës.