Shtyhet vendimi i Kushtetueses për ndërtimet pa leje, shkak firmat e Dumës e Rushaj

Gjykata Kushtetuese ka shtyrë seancën për vendimin e qeverisë për konfiskimet e ndërtimeve pa leje. Shkak janë bërë firmat e demokratëve që kanë ankimuar vendimin, një pjesë e firmëtarve sot nuk janë më deputetë.

Firma e Grida Dumës dhe Alfred Rushajt në kërkesën për të shfuqizuar vendimin e qeverisë për konfisikimin e ndërtimeve pa leje ka qënë arsyeja se përse gjykata kushtetuese shtyu seancën gjyqësore.

Ndonëse Duma dhe Rushaj mbanin funksionin e deputetit në kohën kur padia me firmat e 28 deputetëve është depozituar në kushtetuese, përfaqësuesit e qeverisë e kanë konsideruar si një kërkesë të cunguar. Por për Sekretarin e Përgjithshëm të PD, Gazmend Bardhi  kjo është një taktikë për të zvarritur shqyrtimin e kërkesës së tyre.

“Kolegët tanë deputetë kanë qenë në ushtrim të detyrës së tyre. Një taktikë për të zvarritur dhe më tej shqyrtimi ne kësaj çështjeje. E kemi depozituar që në tetor, do duhet të kishim një shqyrtim shumë kohë më parë nga ana e gjykatës. Me sa duket Këshilli i Ministrave ka vendosur të zvarrisë dhe më tej këtë çështjes. Është fakt publik dhe grupi parlamentar ka më shumë se 28 anëtarë, por ky është një pretendim absurd i Këshillit të Ministrave, krejtësisht i pabazuar në Kushtetutë dhe ligj dhe bëhet vetëm me qëllimin për të fituar kohë”, tha Bardhi.

Bardhi shkoi më tej me akuza duke akuzar Kryeministrin Rama se po shantazhon anëtarët e Gjykatës kushtetuese.

“Tetorin e vitit të kaluar 28 deputetë të Partisë Demokratike depozituan padinë në Gjykatën Kushtetuese me argumentin se vendimi i këshillit të ministrave favorizon oligarkët e ndërtimit për ti amnistuar ata penalisht”, përfundoi Bardhi.

LEXO GJIOTHASHTU:

• Rama: Konfiskohen 15 objekte pa leje, askush nuk ka imunitet nga drejtësia
• Logu: Gjykata Kushtetuese të hedhë poshtë vendimin e qeverisë për katet pa leje