Si financohen organizatat e Shoqërisë Civile? Aktivisti: Na thonë që jeni të Sorosit

Aktivisti i “Lëvizja Bashkë”, Klodi Leka thotë se teoritë konspirative, sa i takon organizatave të Shoqërisë Civile, është në rritje.

Në një intervistë për Euronews Albania, Leka u shpreh se pas çdo eksponenti i cili merret me kauza të ndryshme, e shohin me dyshim dhe thonë që është i paguar nga George Soros.

“Këtë katapultimin, problemi me persona, për shembull si Erion Veliaj, edhe këta të tjerë nuk ka qenë vetëm se janë kthyer në parti politike. Problemi ka qenë se janë bërë pjesëmarrës ose bashkëpunëtorë, të partive të vjetra të establishmentit dhe të akteve më të mëdha korruptive në Shqipëri. Së dyti, ka edhe një frymë iliberale që është jo vetëm në Shqipëri, por në të gjithë botën.

Ku eksponentë, teoritë konspirative janë në rritje. Pas çdo eksponenti i cili merret me kauza të ndryshme, e shohin me dyshim. Iluminati, George Sorosi. E treta, unë mendoj se organizatat e Shoqërisë Civile e kanë lirinë poltike, edhe për faktin se kanë mundësi për të pasur bashkëpunim me donatorë të huaj”, theksoi ai.

LEXONI GJITHASHTU

• Florian Binaj tregon sukseset që janë arritur deri tani nga shoqëria civile
• Shqiptarët nuk e dinë çfarë është shoqëria civile, gjetjet e Barometrit
• Qytetarët tregojnë hapur çfarë opinioni kanë për shoqërinë civile