Si funksionojnë nenet e NATO-s?

Me Evropën që rrezikon luftën më të madhe që prej 1945-s, krerët e NATO-s i kanë kthyer sytë nga nenet kyçe që sugjerojnë përdorimin e forcës.

Në këtë aspekt, neni 4 shërben si paralajmërim për një emergjencë sigurie që ka nevojë për vëmendje urgjente.

Vendet anëtare do të konsultohen së bashku nëse në këndvështrimin e tyre, integriteti territorial, pavarësia politike apo siguria e ndonjërit prej aleatëve kërcënohet.

Në fakt, neni në fjalë është përdorur shumë herë së fudmi, sidomos pas pushtimit rus të Ukrainës. Ai i dërgon një mesazh botës se aleanca po shqyrton ndërmarrjen e veprimeve.

Ndërkohë, neni 5, që mbron parimin e mbrojtjes së përbashkët, është aplikuar 1 herë, pas sulmeve të 11 shtatorit në SHBA.

Në kuadër të tij, palët bien dakord që një sulm i armatosur ndaj një vendi të Evropës apo Amerikës së Veriut konsiderohet sulm ndaj të gjithëve.

Neni parashikon asistimin e vendit ose vendeve të sulmuara duke marrë në mënyrë individuale ose të përbashkët masat e nevojshme, përfshirë përdorimin e forcës.

Neni 5 u vendos një ditë pas sulmeve të 11 shtatorit.

Brenda pak javësh, operacioni i udhëhequr nga NATO nisi zbatimin në Afganistan kundër talebanëve, që strehonin përgjegjësit e atentateve.

LEXONI GJITHASHTU:

• ‘Të tretët në botë për diasporën’, Forbes: 30.7% e shqiptarëve jetojnë jashtë vendit
• Zbardhet marrëveshja 72.2 mln euroshe Britani-Francë për emigrantët