“Si i ndihmova zjarrfikësit të shpëtonin jetë”, rrëfehet shqiptari nga Malisheva

Një aksident i rëndë rrugor ndodhi në Venecia para dy ditësh, teksa 21 persona humbën jetën në mbikalimin e Mesrtes pas rrëzimit të një autobusi.

Dëshmitar i tij ka qenë edhe shqiptari nga Malisheva Bujar Bucaj, i cili ka qenë nga të parët që shkoi në vendin e ngjarjes dhe ndihmoi për shpëtimin e jetës së dy të aksidentuarve.

Në një intervistë për Euronews Albania, ai tregoi se ka qenë i vetëm në vendngjarje për më shumë se 10 minuta, ndërsa është përpjekur t’u vijë në ndihmë të askidentuarve.

“Ato momentet ishin të vështira, zjarrfikësit janë vonuar. Policët kur kanë ardhur më kanë takuar vetëm mua, pasi të plagosurit ishin të shtrirë dhe nuk mund të flisnin. I kam ndihmuar edhe zjarrfikësit, duke i informuar për atë që kishte ndodhur. Nga ajo ditë më kanë kontaktuar vetëm gazetarë, kryetari i komunës së Venecias nuk më ka kontaktuar akoma, por kjo s’ka rëndësi, rëndësi ka që të plagosurit ta kalojnë këtë gjë”, tha ai.

LEXONI GJITHASHTU:

• Tragjedia me 21 viktima në Itali, pamje nga momenti kur autobusi bie nga ura
• VIDEO| Autobusi që shpërtheu në flakë në Itali me turistë, të paktën 21 viktima