Siguria në pishina në fokus të Inspektoriatit Shtetëror Shëndetësor

Siguria e qytetarëve që frekuentojnë pishinat, është në fokus të Inspektoriatit Shtetëror Shëndetësor.

Kryeinspektori i Tiranës, Klinton Leka, në një intervistë për Euronews Albania bën me dije se ka nisur inspektimi në të gjitha subjektet.

Nisur nga problematikat e hasura nga viti i shkuar ai tha prerazi se nuk do të ketë tolerime.

Sa i takon rregullave, çdo pishinë duhet të ketë një person përgjegjës të certifikuar nga Kryqi i Kuq që ofron ndihmën e parë në çdo rast, një regjistër i cili tregon kryerjen e analizave fiziko-kimike dhe atyre bakteriologjike të ujit, nivelin e klorit të matuar çdo ditë, dhe ku pehazhi duhet të jetë ndërmjet vlerave 6,5-8,5 si dhe rregulloren e brendshme në dy gjuhë, shqip dhe anglisht.

LEXONI GJITHASHTU:

• Gruaja me hijab u dëbua nga pishina, pedagogia: Ngjarje sporadike
• “Nuk lejohet noti”: Romët në Bullgari diskriminohen në pishina publike