Siluetat e fëmijëve të abuzuar mbushin sheshin ‘Skënderbej’ në Tiranë (Foto)

Silueta fëmijësh të dhunuar janë vendosur në sheshin Skënderbej në kryeqytet, në kuadër të një fushate që synon të tërheqë vëmendjen ndaj abuzimit seksual të përjetuar nga fëmijët në Shqipëri.

Çdo figurinë përmban një mbishkrim të rrëfmit të vërtetë të abuzimit përjetuar nga minorenët, nën moton “Të Besoj”.

Instalacioni publik është organizuar nga UNICEF në Shqipëri dhe synon të promovojë kulturën e ngritjes së zërit kundër dhunës dhe abuzimit, veçanërisht seksual të ushtruar ndaj fëmijëve.

Ndërsa hedh dritë mbi aktet e tmerrshme të përjetuara, fushata ka si qëllim të mobilizojë opinionin publik të ndërmarrë hapa për t’i dhënë fund dhunës ndaj të miturve.

Rastet e abuzimit me fëmijët kanë tronditur shpesh herë shoqërinë shqiptare kohët e fundit, duke nxjerrë në pah nevojën për ndërhyrje më të lartë shtetërore në mbrojtjen e kësaj grupmoshe. 

FOTOGALERI