Silva Bino paraqitet në Prokurorinë e Posaçme

Shefja e Departamentit të Epidemiologjisë pranë ISHP-së, Silva Bino, është paraqitur mëngjesin e kësaj të marte në Prokurorinë e Posaçme.

Bino është marrë në pyetje nga prokurorët e SPAK për rreth 1 orë. Në daljen e saj nga organi i akuzës, ajo nuk ka pranuar të jap detaje në lidhje me arsyen pse ajo u thirr në SPAK.

“Isha për një punë”, iu përgjigj shkurt Bino interesimit të gazetarëve.

Burime zyrtare shprehen tepër të rezervuara për çfarë arsye është pyetur zonja Bino. Nuk dihet ende hetimi për të cilin ajo është marrë në pyetje.

Thirrja e saj në organin e akuzës vjen pas operacionittë zhvilluar në Ministrinë e Shëndetësisë, ku është arrrestuar Sekretarja e Përgjithshme Joana Duro dhe specialistja e nivelit të lartë Laura Shteto.