Singapori ndalon hyrjen dhe vendos sanksione për 4 izraelitë, shkak dhuna në Gaza

Singapori do të vendosë sanksione financiare ndaj katër izraelitëve dhe do t’u ndalojë atyre të hyjnë në qytet-shtet, njoftoi të premten ministria e saj e punëve të jashtme, duke i akuzuar ata për “akte dhune ekstreme” kundër palestinezëve në Bregun Perëndimor.

Ministria tha se veprimet e kryera në Bregun Perëndimor nga Meir Mordechai Ettinger, Elisha Yered, Ben-Zion Gopstein dhe Baruch Marzel ishin të paligjshme dhe kishin rrezikuar perspektivat për një zgjidhje për paqe mes dy shteteve.

“Si një mbështetës i vendosur i së drejtës ndërkombëtare dhe zgjidhjes me dy shtete, Singapori kundërshton çdo përpjekje të njëanshme për të ndryshuar faktet në terren përmes veprimeve që janë të paligjshme sipas së drejtës ndërkombëtare”, tha Ministria e Jashtme.

Ndërkohë, të katër individët janë sanksionuar më parë edhe nga Bashkimi Evropian.

“Ne i bëjmë thirrje qeverisë izraelite të frenojë aktet e dhunës nga kolonët dhe t’i mbajë autorët përgjegjës”, shtoi Ministria e Jashtme.

LEXONI GJITHASHTU:

• Një tërmet i fortë godet Bangladeshin, sa ishte magnituda
• Netanyahu: Shanse shumë të vogla që Turqia të blejë avionë F-35